Iste articlo ye sobre una cinta estausunidense de cine negro d'intriga policiaca; ta atros usos, se veiga L.A. Confidential.

L.A. Confidential
Títol	L.A. Confidential
Ficha tecnica
Dirección	Curtis Hanson
Dirección artistica	William Arnold
Producción	Arnon Milchan Curtis Hanson Michael Nathanson
Disenyo de producción	Jeannine Oppewall
Guión adaptau	Brian Helgeland Curtis Hanson
Basau en	L.A. Confidential, novela de James Ellroy (1990)
Musica	Jerry Goldsmith
Soniu	Andy Nelson Anna Behlmer Kirk Francis
Fotografía	Dante Spinotti
Montache	Peter Honess
Escenografía	Jay Hart
Vestuario	Ruth Myers
Maquillache	Lance Anderson Tommy Cole Scott H. Eddo John M. Elliott Jr. Jane English Francesca Tolot
Peluquería	Janis Clark Peter Savic Linda Leiter Sharp
Efectos especials	William N. Greene III Bob King Robert W. King Roger Lifsey Robert L. Olmstead Rudy Perez Eric Rylander David A. Schroeder Neil Smith Richard Stutsman
Casting	Mali Finn
Actors	Kevin Spacey Russell Crowe Guy Pearce James Cromwell Kim Basinger Danny DeVito David Strathairn Ron Rifkin Graham Beckel Amber Smith John Mahon Paul Guilfoyle Matt McCoy Paolo Seganti Simon Baker Tomas Arana Michael McCleery Shawnee Free Jones Darrell Sandeen Marisol Padilla Sánchez Gwenda Deacon Jim Metzler Brenda Bakke
Color	Kodakvision Panavision Technicolor
Datos y cifras
País(es)	Estaus Unius
Anyo	1997
Estreno	14 de mayo de 1997 Festival Internacional de Cine de Canas (Canas, Alpes Maritimos, Francia)[1] 19 de setiembre de 1997 Estaus Unius[1]
Chenero(s)	Cine negro Cine d'intriga Cine policiaco
Durada	138 min.
Idioma(s)	Anglés
Companyías
Productora(s)	Regency Enterprises The Wolper Organization
Distribución	Warner Bros.
Presupuesto	35 millons de dólars
Recauto	126,2 millons de dólars
Informacions en bases de datos especializadas:

L.A. Confidential (títol orichinal en anglés, en aragonés Los Angeles confidencial, estrenada en Aragón con o suyo títol orichinal) ye una cinta de cine negro d'intriga policiaca de cine estausunidense estrenada l'anyo 1997, dirichida por Curtis Hanson seguntes un guión adaptau por Brian Helgeland y Curtis Hanson (basau en a novela L.A. Confidential de James Ellroy publicada en 1990), con una banda sonora orichinal de Jerry Goldsmith, una dirección de fotografía de Dante Spinotti y una producción cinematografica d'Arnon Milchan, Curtis Hanson y Michael Nathanson ta las productoras Regency Enterprises y The Wolper Organization. Conta con un elenco d'actors d'o cual en fan parte, entre d'atros, Kevin Spacey, Russell Crowe, Guy Pearce, James Cromwell, Kim Basinger, Danny DeVito, David Strathairn, Ron Rifkin, Graham Beckel, Amber Smith, John Mahon, Paul Guilfoyle, Matt McCoy, Paolo Seganti, Simon Baker, Tomas Arana, Michael McCleery, Shawnee Free Jones, Darrell Sandeen, Marisol Padilla Sánchez, Gwenda Deacon, Jim Metzler y Brenda Bakke.

En 1953, o departamento de Policía de Los Angeles (California) deseya millorar a suya imachen publica dimpués d'anyos de noticias sobre corrupción en o suyo interior. Bel uns d'os suyos achents son Edmund Exley, un sarchento centrau en o suyo treballo y obsesionau por a figura de su pai, qui morió asasinau sin que s'haiga encara identificau a lo suyo asasino, y que denomina "Rollo Tomasi" a cualsiquier criminal que haiga podiu defuyir l'acción d's chusticia; Jack Vincennes, un sarchento de narcoticos obsesionau por ganar fama y que colabora con un periodista de prensa sensacionalista, Sid Hudgens, ta arrestar a personas bien conoixidas y populars; y Wendell White, qui gosa actuar con violencia contra los detenius, especialment si se tracta de maltractadors de mullers, en estar él mesmo fillo d'una muller maltractada. White ha cooixiu a Lynn Bracken y Susan Lefferts, dos prostitutas de luxo que treballan ta Pierce Patchett, un multimillonario propietario d'un rete de prostitución que opera quirurchicament a mullers ta fer-las pareixidas a estrelas cinematograficas. Exley puya de categoría en aduyar a mitigar danyos en un caso de maltracto a detenius, pero pierde prestuchio debant d'os suyos companyeros en haber colaborau en que lis desen palleta a bel uns. A la vegada, Dudley Smith recluta a White ta que l'aduye a fer fuera a cualsiquiera que quiera dentrar en Los Angeles a ocupar o vuedo que ha deixau o prencipal gángster d'a ciudat a qui han deteniu, Mickey Cohen, y han desapareixiu 11 kg d'heroína. Exley tamién descubre que son inculpando d'una mortalera en una cafetería a tres delincuents afroamericanos que, encara que periglosos delincuents, no son culpables en iste caso. Finalment, todas as historias d'istas personas prencipian a encaixar sía como miembros sía como investigadors en a corrupción d'o departamento, con os 11 kg d'heroína desapareixius en o centro d'a trama.

L.A. Confidential s'ambienta en l'anyo 1953 en a ciudat de Los Angeles en California; y las suyas escenas se filmoron en Hollywood, Long Beach, Los Angeles y West Hollywood (California).^[2]

Se tracta d'una cinta que ha recibiu cuantismos premios y nominacions, en destacando dos Premios Oscar (Millor Actor Segundario y Millor Guión Adaptau) y atras siet nominacions (Millor Cinta, Millor Director, Millor Disenyo de Producción, Millor Fotografía, Millor Montache, Millor Banda Sonora Orichinal de Drama y Millor Soniu) en 1998 en a 70^ena edición d'os Premios Oscar; dos Premios BAFTA (Millor Montache y Millor Soniu) y atras diez nominacions (Millor Cinta, Millor Director, Millor Actor, Millor Actriz, Millor Guión Adaptau, Millor Fotografía, Millor Disenyo de Vestuario, Millor Maquillache y Peluquería, Millor Banda Sonora y Millor Disenyo de Producción) en 1998 mientres a 51^ena edición d'os Premios BAFTA; y un Premio Globo d'Oro a la Millor Actriz Segundaria y atras cuatre nominacions (|Millor Cinta Dramatica, Millor Director, Millor Guión y Millor Banda Sonora Orichinal) tamién en 1998, mientres a 55^ena edición d'os Premios Globos d'Oro.

• Cine en 1997.
• Cintas de 1997.

• (en) L.A. Confidential en Internet Movie Database.
• (en) L.A. Confidential en Rotten Tomatoes.
• (en) L.A. Confidential en Metacritic.