Месцам дзеяння Grand Theft Auto V стаў выдуманы горад Лос-Сантас (англ.: Los Santos), прататып якога з’яўляецца Лос-Анджэлес. Лос-Сантас упершыню з’явіўся ў адной з папярэдніх гульняў серыі — Grand Theft Auto: San Andreas, якая выйшла ў 2004 годзе. У гульні апроч самога горада, таксама прысутнічаюць навакольныя тэрыторыі сельскай мясцовасці, горы, лясы, узгоркі, і пляжы^[38].

У GTA V ёсць магчымасць займацца рознымі відамі спорту: ёгай, трыятлонам, катаннем на гідрацыкле, бейсджампінгам, тэнісам, заняткамі ў трэнажорнай зале і гольфам на вялікіх палях^[43][44]. Кожны персанаж мае сваё хобі^[43][44]. У гульні прысутнічае дайвінг, можна апускацца на дно з дапамогай батыскафа.

У гульні таксама даступны рабаванні банкаў^[44].

Як і ў папярэдніх гульнях серыі, у GTA V ёсць мабільны тэлефон, але ён можа выкарыстоўвацца для якіх-небудзь дзеянняў^[43]. Таксама тэлефон можна будзе выкарыстоўваць для доступу ў інтэрнэт^[44]. Функцыянальнасць істотна зменена, у параўнанні з тэлефонам у GTA IV^[44]. У гульні прысутнічае пародыя на iPhone і на камп’ютары кампаніі «Apple». Таксама ў гульні прысутнічаюць пародыі на Windows Phone 8 (інтэрфейс мабільнага тэлефона Трэвара, цалкам супадае з інтэрфейсам Windows Phone 8) і Android (гульнявая назва — Offdroid).

Ёсць магчымасць глядзець тэлевізар, дзе будуць ісці розныя перадачы^[43].

У інтэрв’ю парталу IGN у сакавіку 2012 года, Дэн Хаўзер распавёў пра некаторыя асаблівасці шматкарыстальніцкага рэжыму Max Payne 3. У інтэрв’ю ён адкрыў, што як і ў Max Payne 3, у GTA V будзе даступная сістэма «банд» (англ.: crews) — аналаг звычайных кланаў, якіх ігракі змогуць арганізаваць пасродкам анлайнавага сэрвісу Rockstar Games Social Club  (англ.) (бел.. Таксама ён заявіў, што важнасць мультыплэера за апошнія некалькі гадоў узрасла ў разы, таму Rockstar Games намерваецца актыўна развіваць анлайнавыя аспекты сваіх гульняў^[45]. Развіццём гэтых ідэй стала Grand Theft Auto Online.