Voo 140 de China Airlines
Instancia de accidente de aviación  Causado por entrada en perda
Características  Representado por Deadly Go-Round (en)  Nave Airbus A300-600R (en)
Datas  Data 26 de abril de 1994
Implicados  Operador/a China Airlines
Localización  Localización Nagoya Airfield (en)  Lugar de saída Aeroporto internacional de Taiwán Taoyuan  Lugar de chegada Nagoya Airfield (en)  País Xapón  Coordenadas 35°14′43″N 136°55′56″L / 35.2453, 136.9323
Cifras e dimensións  Número de feridos    7  Mortes    264  Número de superviventes    7
Códigos e identificadores Freebase /m/08bb4w
Wikidata C:Commons

O voo 140 de China Airlines era un voo regular de pasaxeiros entre o aeroporto internacional Chiang Kai-shek (hoxe en día aeroporto internacional de Taiwán Taoyuan), en Taiwán, e o aeroporto de Nagoya, no Xapón.

O 26 de abril de 1994 o Airbus A300B4-622R que operaba a ruta estaba aproximándose a Nagoya cando chocou contra o chan, matando 264 das 271 persoas a bordo.

Ata a data é o peor accidente da historia de China Airlines, e o segundo con máis vítimas mortais en chan xaponés, tras o voo 123 de Japan Airlines.^[1]

O 26 de abril de 1994 o Airbus A300B4-622R estaba completando a aproximación cando, xusto antes de aterrar en Nagoya, o primeiro oficial premeu sen querer o botón Takeoff/Go-around (tamén chamado TO/GA e que en galego viría ser "engalaxe/motor e ao aire") o que aumentou a posición do acelerador ata situarse na mesma que nas engalaxes e nas manobras de motor e ao aire.^[2]

Os pilotos intentaron corrixir manualmente a situación reducindo os aceleradores e empurrando os mandos cara a abaixo. O piloto automático actuou entón en contra das accións dos pilotos (como estaba programado que fixese no caso de que o botón TO/GA estivese activado), causando que o nariz se inclinase bruscamente. O nariz alto, combinado coa diminución da velocidade do aire debido á potencia insuficiente, levou a unha perda aerodinámica do avión. Cunha altura insuficiente para recuperalo desa condición, o aparello esnafrouse matando 264 dos 271 ocupantes do avión.

O accidente, que esnaquizou o avión (entregado menos de 3 anos antes), foi atribuído a un erro da tripulación por non ser capaz de corrixir os controis e a velocidade do aire. Nove meses antes Airbus advertira os seus clientes de facer unha modificación no sistema de voo que podía desconectar completamente o piloto automático "cando se aplicaban certas entradas a controis manuais na roda de control do modo go-around",^[3] que incluiría o movemento cara a adiante da columna de control que os pilotos fixeron no voo. O avión accidentado tiña que recibir a actualización a seguinte vez que necesitase unha parada longa de mantemento, debido a que "China Airlines xulgou que as modificacións non eran urxentes".^[3] Considerouse que eses factores incidiron no accidente, despois de que o erro primario dos pilotos de facerse co control da situación comezase.^[2]