کؤزؤوؤ (آلبانيايي: Kosova) رسمي نام کؤزؤوؤ جؤمۊري (آلبانيايي: Republika e Kosovës) ایته کيشور ايسه گه اۊرۊپا قاره مئن نهأ. پريشتينا أ کيشور ٚ پایتخت ايسه. کؤزؤوؤ مئن آلبانيايي ؤ صربي زوانان رسميت دأرده. کؤزؤوؤ ۱۰,۸۸۷ کيلۊمتر مۊربع پيلئکي ؤ ۱,۵۸۵,۵۶۶ نفر جمعيت دأره ؤ أن ٚ پۊل ٚ واحد یۊرؤ ايسه.
کؤزؤوؤ، سال ۱۳۸۹ ميلادي، توسؤط أولي مؤراد، عۊثماني ٚ امپراتۊر، به عۊثماني الحاق بؤبؤست. تا سال ۱۹۱۲ هأتؤ بۊ تا أنکي صربستان ٚ پادشائي، أولي بالکان ٚ جنگ ٚ مئن دۊباره أ منطقه-أ به خۊ جيگائان اضافه کۊد. سال ۱۹۴۵ ٚ مئن، دۊوؤمي جهاني جنگ ٚ پسي، أ سامان بهعؤنوان خؤدمۊختار ٚ سؤسياليستي کؤزؤوؤ اؤستان، به يۊگؤسلاوي ٚ سؤسياليستي فدرال ٚ جؤمۊري بهرسميت بشناخت؛ بهعؤنوان ٚ صربستان ٚ سؤسياليستي جؤمۊري. سال ۱۹۷۴ ٚ مئن، ج يۊگؤسلاوي ٚ دۊرۊني دؤلت، ايته جؤمۊري امتيازات-أ به أ سامان فأده و أساسي قانۊن ٚ مئن هم تصويب بۊکۊد.
ج سال ۱۹۸۰ تا ۱۹۸۹، آلبانيائيان ايته شۊرش بۊکۊديد کي خۊشن ٚ استقلال-أ فيگيريد؛ با أنکي تقريباً ايته جؤمۊري بيد. صرب ٚ ناسيؤناليستان، به اسلؤبؤدان ميلؤسؤويچ ٚ رئبري، أ شۊرشيان ٚ أمره درگير بؤبؤست. سال ۱۹۸۹ مئن، صربستان به ميلؤسؤويچ ٚ رئبري، ايته قانۊن تصويب بۊکۊد کي آلبانياييان ٚ خؤدمۊختاري-أ به حدأقل فأرسانه.
سال ۱۹۹۱ مئن آلبانياييان ايته همهپۊرسي بنأييد و خۊشأن استقلال-أ فيگيفتيد؛ أما ميلؤسؤويچ کي بتأنست يۊگؤسلاوي ٚ رئبر ببه، اؤشن-أ سرکۊب بۊکۊد. سال ۱۹۹۵ مئن، کؤزؤوؤ ٚ رهايي فدأن ٚ أرتش تشکيل بؤبؤست کي شۊرشي و شبهنظامي بۊ. ميلؤسؤويچ، ايته بار دگر، أ شۊرش ٚ أمره مؤقابله بۊکۊد. سال ۱۹۹۹ مئن آمريکا، به يۊگؤسلاوي، بدۊن سازمان ملل ٚ مۊجوز، حمله بۊکۊد؛ با أن ايدعا کي عليه آلبانياييان ستم به. تا ۷۸ رۊ، أ سامان بۊمباران بؤستي. أ ۷۸ رۊ پسي، صربان تسليم بؤبؤستيد و نتأنستيد ناتؤ بۊمبارانان ٚ تحمؤل بۊکۊنيد. چنتا سامان ايسيد کي هسأيي، کؤزؤوؤ-أ بهرسميت بشنأختئيد.
