Per Paises Catalan (in catalano: Països Catalans)^[1] on considera territorios in le area de Europa mediterranee de lingua e cultura catalan.

Le termino appare pro le prime vice al fin del seculo XIX sub le pluma del jurista valencian Benvenite Oliver^[2], e ha essite post popularisate per le autor Joan Fuster, etiam valencian, in su libro Nosaltres, els valencians (1962).

In le senso historico-linguistic plus amplie, cum Paises Catalan on indica un area cultural extendite in varie statos, e constituite per le antique terras de domination aragonese que ancora hodie parla ulle variante del lingua catalan:

• Catalonia
• Frangia de Aragonia
• Principato de Andorra
• Communitate Valencian
• Insulas Balear
• le urbe Algario (supernominate «Le Parve Barcelona»), in Sardinia
• Le Carche (ibi comprise le parco national), in Murcia
• e bon parte del departimento francese del Pyreneos Oriental (denominate «Catalonia del Nord»).

In su acception politic, illo esse strictemente associate al catalanismo republican (independentia de Catalonia) e al pancatalanismo (union de tote le Paises Catalan), e pro iste ration esse subjecte a numerose criticas, in particular ma non solmente per le anticatalanistas, le espaniolistas, e le monarchistas. In le signification politic moderne, super toto in le narration local pro le creation de un stato unitari, le termino intende referer se principalmente a tres territorios catalanophone, saepe supernominate collectivemente «Pino de tres brancas»: Catalonia, Communitate Valencian, e Insulas Balear.

1. ↑ Derivation (in ordine alphabetic): (ca) Països Catalans || (de) Països Catalans || (en) Catalan Countries || (es) Países Catalanes || (fr) Pays catalans || (it) Paesi catalani || (pt) Países Catalães || (ro) Țările Catalane || (ru) Каталонские земли
2. ↑ in hispano: Bienvenido Oliver y Esteller, in catalano: Benvingut Oliver i Estellés.