Сулфур, або сѣрка, лат. Sulfur, S, хемичный елемент VI. групы периодичной системы, протонове число 16, атомова маса 32,06. Неметал.^[1]

В природѣ суть 4 стабилны изотопы з масовыма числами 32—34 и 36: ³²S (94,99%), ³⁴S (4,25%), ³³S (0,75%), ³⁶S (слѣды).^[1]

Стрѣчать ся в природѣ во вольном станѣ (самородна сѣрка) и як минералы — сулфидны (напримѣр, пирит Fe₂S₂, галенит PbS, антимонит Sb₂S₃), сулфатных (гипс CaSO₄•2H₂O, ангидрит CaSO₄, барит BaSO₄, мирабилит Na₂SO₄•10Н₂O) и др.^[1]

Тверды жовты кристалы, топить ся при 112,8 °С аж 119 °С, кыпить при 444,6 °С, не роспущать ся во водѣ. При нагрѣваню творить злученины майже зо вшиткыма елементами.^[1]

Хоснують:^[1]

• при выробѣ H₂SO₄ — около 50% продукции S;
• при выробѣ сулфитох, потребных при варѣню целулозы — около 25%;
• против хворот ростлин (грозно, бавовник) — 10–15%);
• при вулканизации;
• в продукции фарб, выбушнин, луминофорох, швабликох, мастей на кожны хвороты.

Во формѣ пороха дразнить органы дыханя, слизны
(максимално припустна концентрация: 2 мг/м³).^[1]

• Кнунянц И.Л. (гл. ред.): Химический энциклопедический словарь. — Москва: Советская энциклопедия. 1983. — 792 с.

Вікісклад обсягує мултімедіалный обсяг к темі: Сулфур